文／賴文英，國立中央大學客家語文暨社會科學學系兼任副教授（四縣腔）
客家族群有五隻核心原色詞，正統色目係：啾紅、浸青、淰黃、𪐞烏、蓬白，前一隻詞素係一種程度副詞，用來形容後背色目詞素个程度，無見奇係本字抑係有字，又較特別个係，這五隻詞都當難用華語个某一隻詞彙來對譯。「啾紅」像係一種「大紅」（客語另外有「大紅」个講法），但係這種紅會分大眾人士非常中意个一種紅，係一種當靚當靚又當紅个紅色；「浸青」、「淰黃」、「蓬白」、「𪐞烏」都係分人盡中意又當靚个青色、黃色、白色、烏色。
語言結構當中輒常會有反義詞，像「啾紅」个反義詞就係「死紅」，這種紅乜係當紅个紅，毋過紅到分大眾人士一看啊著輒輒會有反感，故所客語用禁忌个「死」來形容這種分人得人惱个紅。客家族群个「青」，包含現代人分開來个「藍色」摎「綠色」，對客家「藍染」文化層面來看，佢係對植物當中取「綠」汁个成分，下後經過氧化來變成「藍」，故所「藍」、「綠」本旦就係一家。
客語其它毋係正統色目詞彙个安名，當多係對生活當中事物个意象來个，比論講，華語个「紫色」係用傳統典型个茄仔色來安名做「茄仔色」，又因爭「茄」摎「瘸」共音，有人禁忌就用厥形投來安名做「吊菜色」；「灰色」毋係直譯就係摎平常時看得著个老鼠共色來安名做「老鼠色」；摎黃金色共樣个「金色」；像豬肝共樣个「豬肝色」來比到華語个「棕色」；客人輒常打甜粄个「甜粄色」來比到華語个「褐色」；用「柑仔色」來比到華語个「橘色」。
係講對各種色目有過較多个認識，教學時節，就做得透過漸層个方式，對簡單个單音節到雙音節、重疊結構等等來學習，這也係在學習語言當中培養美感个一種方式，不管係文學創作抑係視覺感官方面个美感。
下背𫣆俚就來看，客人對色目个形容講法到底有幾多，因爭色目忒多了，𫣆就用「紅」來做例仔：紅、紅紅仔、紅紅、紅紅紅、極紅、磚紅、大紅、遮紅、唧紅、啾紅、死紅、水紅色、烏𪐞紅、豬肝紅；還過輒常會用重疊結構表現个：紅荷紅荷、紅蓮紅蓮、紅霞紅霞、紅啾啾仔、紅冬冬仔、紅濟濟仔、紅槐槐仔。
雖然也有人用玫瑰紅、酒紅這兩種紅色个詞彙，這也有可能係下後又𫝘過產生个色彩講法。總講，𫣆俚个人生當中，滿哪仔都有淰淰个色彩，係彩色个人生、靚靚个人生，客語又有客語特別色目个講法，靚到無結無煞个色、孤盲靚个色，這就係客語个色彩之美。
華語
客家族群具有五個核心原色詞，正統顏色分別為：「啾紅、浸青、淰黃、𪐞烏、蓬白」，前一詞素為程度副詞，用來修飾後面顏色詞素的程度，不見得是本字或有字，又較為特別的是，這五詞都很難用華語的某一詞彙來對譯。「啾紅」像是一種「大紅」（客語另外有「大紅」的說法），但這種紅會讓一般大眾人士極其喜愛的紅，是一種很美很美又很紅的紅色；「浸青」、「淰黃」、「蓬白」、「𪐞烏」都是讓人極為喜愛又很漂亮的青色、黃色、白色、黑色。
語言結構當中常存在反義詞，像「啾紅」的反義詞就是「死紅」，這種紅也是很紅的紅，不過紅得讓大眾人士一看到往往會起反感，所以客語用禁忌的「死」來形容這種讓人厭惡的紅。客家族群的「青」，包含現代人分開來的「藍」與「綠」，從客家「藍染」文化層面來看，它是先從植物當中萃取「綠」的汁液成分，然後經由氧化而變成「藍」，因而「藍」、「綠」本為一家。
客語其它非正統顏色的詞彙命名，許多是從生活當中事物的意象而來，例如華語「紫色」是以傳統典型茄子的顏色來命名為「茄仔色」，又因「茄」與「瘸」客語同音，有人禁忌就以其形狀來命名成「吊菜色」；「灰色」不是直譯就是與平常看得到的老鼠同色來命名為「老鼠色」；與黃金色澤一樣的「金色」；像豬肝一樣的「豬肝色」來指稱華語的「棕色」；客家人常做年糕的「甜粄色」來指稱華語的「褐色」；以「柑仔色」來指稱華語的「橘色」。
假如能對各種顏色有比較多的認識，教學時，就能透過漸層的方式，從簡單的單音節到雙音節、重疊結構等等來學習，這也是在學習語言當中培養美感的一種方式，不管是文學創作或視覺感官方面的美感。
以下我們就來看看，客家人對顏色的形容說法到底有多少，但因顏色實在過於豐富了，我們就以「紅」來舉例（華語也許無法對譯得很精準）：紅、紅紅仔（有一點紅紅的）、紅紅（紅紅的）、紅紅紅（非常紅）、極紅（極其紅）、磚紅（磚塊紅）、大紅（很紅的紅）、遮紅（通紅）、唧紅（血紅）、啾紅（令人喜愛的紅）、死紅（令人反感的紅）、水紅色（粉）、烏𪐞紅（偏黑之深紅）、豬肝紅（偏棕之紅）；以及常用重疊結構表現的：紅荷紅荷（粉粉的紅）、紅蓮紅蓮（粉粉的紅）、紅霞紅霞（晚霞的紅）、紅啾啾仔（紅彤彤的）、紅冬冬仔（紅彤彤的）、紅濟濟仔（紅通通的）、紅槐槐仔（似胭脂紅貌）。
雖然也有人用玫瑰紅、酒紅這兩種紅色詞彙，這也有可能是後來才又產生的色彩說法。總之，我們的人生當中，到都有豐富的色彩，是彩色的人生、美美的人生，客語又有客語特別顏色的說法，美得無以復加的顏色，這就是客語的色彩之美。