文／蕭宥，學生，台東客家人，現下戴臺東。阿婆係南投國姓客家人（四縣腔）
這擺，台東个客家學堂在3月个時節，舉辦咧一場當特別个客語文學新書發表會。除忒請著發表會个主角劉明猷先生，來分享厥今年个新書《酒醇係文 文傍酒》之外，乜邀請咧四位台東在地个後生條仔同細人仔，共下來分享自家个詩作，呈現𨃰世代个交流同對話，澎澎（彭歲玲）先生乜帶來了一本新書——《十六份庄頭傳奇》，講庄肚个傳奇故事，還有頭擺時代个生活面貌，乜分現場當多老人家想起自家後生時節个各種甘苦記憶。
講著劉明猷先生，佢對2015年開始，就陸陸續續出咧《一杯淡茶 庄頭話》、《對面山下 雙堂屋》、《層層疊疊 三層山》、《鴨四妹个 字簿仔》、《五福臨門 門生祥》、《六喜納戶 戶啟瑞》、《七巧如意 意順心》、《八方暢遊遊於藝》這幾本客語文學詩作、散文集。毋單只安書名當用心，每一本書个製作過程同發想，都融合了劉先生在每一年、每一隻無共樣个階段，對人生、對生命、對自家同對事物个看法，除忒這，佢對客話傳承同書寫个堅持，乜成就咧這每一本特別个作品，故所，𠊎兜現下正有這兜作品做得欣賞，乜變做後生人創作个鼓勵同模範。
今年，佢實在異有心，出版咧第九本作品《酒醇係文 文傍酒》，除忒名仔盡有創意，接等之前个排列之外，還同舊年个作品——《八方暢遊遊於藝》共樣，封面个書名請先生用書法題字，分歸隻封面有文學个氣象、線條同流動个感覺，十分用心。
其實，劉先生既經係第三年來到台東个客家學堂，同台東个鄉親、中意文學个大家同客語文學个新生代，共下在新書發表會見面、交流。發表會該日天時異好，日頭燒暖个溫度風溜溜仔吹過面頰卵，青天白雲同樹下个影仔相襯，分人有歲月靜好个感覺。因為外背會分日頭晒，這擺發表會辦在客家學堂裡背，對教室肚到廊仔下，老嫩大細、男女老幼，老人家渡孫仔、後生人湊搞伴仔，全全浸到文學个氣氛裡肚，熱情參與。
今年除忒當多本地个鄉親，還有來自屏東个「藝夥人表演製作團」團長曾鼎凱同厥一屋下人特別來參加，享受這一年一擺在台東个客語文學盛會。在現場聽著先生分享創作理念同互動，毋單淨加深觀眾朋友對作品个好奇，乜分𠊎兜緊來緊期待佢明年會帶來仰般無共樣个作品。
發表會裡肚，𠊎兜共下讀詩、分享作品同寫作个想法。分人印象深刻个係，劉先生紹介新書裡背个一首詩〈一撮鹽，一束光〉，佢講：「鹽，係生理个需要，光，就倒貶做心理个滿足，人就需要鹽摎光，正做得行出生命个路程。」厥餔娘黃阿姊乜分享了另外一種觀點：「鹽係𠊎兜人个重要需求，對較年長个人來講乜較係恁樣，但係光，係𠊎等愛留下、傳承分後生人个等路，𢯭手佢兜照亮生命。」
劉明猷先生退休之後，除忒在學校教客話，還自家用客話寫作、傳承文化記憶。佢識講過：「語言若無用，就會消失。若係寫做文字，該就做得傳承永久。」
劉先生用客家人「硬頸」个精神，自家尋出版社、印刷廠，尋位所發表作品，全心全意投入客語文學，佢淨只有一隻目的 ── 希望有還較多人認識用客語書寫个書籍，傳承文化同語言个力量。觀念轉變、人生體會、家庭面貌、風俗習慣、人間百百種想法同態度，就全全在《酒醇係文 文傍酒》裡肚，將劉先生對這世界、人生个看法同體會，焗一杯安到「生命書寫」个酒。
春寒雨水 苗木盡愛
起濛沙煙 雨毛澀澀 早暗清冷
再回頭 看一轉矮株 龍吐珠 花開賀節
花開正當時 好運正當頭
分恩俚共同期待劉明猷先生个第十本作品，行入厥文學世界，繼續對未來个方向，直直向前行。
華語
這次，台東的客家學堂在3月份時，舉辦了一場特別的客語文學新書發表會。除了邀請發表會的主角劉明猷老師，分享其今年的新書《酒醇係文 文傍酒》外，也邀請到四位台東在地的青少年作家一起分享自己的詩作，呈現跨世代个交流與對話，澎澎（彭歲玲）老師也帶來了一本新書《十六份庄頭傳奇》，敘述庄頭的傳奇故事，以及早期時代的生活風貌，也讓許多現場的高齡觀眾想起少年時期的各種甘苦記憶。
講到劉明猷老師，從2015年起，他就陸陸續續出版《一杯淡茶 庄頭話》、《對面山下 雙堂屋》、《層層疊疊 三層山》、《鴨四妹个 字簿仔》、《五福臨門 門生祥》、《六喜納戶 戶啟瑞》、《七巧如意 意順心》、《八方暢遊遊於藝》這幾本客語文學詩作、散文集。不單只取名富含巧思，每一本書的製作過程與發想，都融合了劉老師在每一年、每一個不同的階段，對人生、生命、自我與事物的看法，此外，其對客語傳承和書寫的堅持，也成就每一本出版的書籍，因此，現下各位才能欣賞這些獨一無二的作品，也成為年輕人創作的鼓勵與楷模。
今年，老師也十分有心，出版第九本作品《酒醇係文 文傍酒》，除了名稱的創意，接續之前的排列外，這本書的封面書名更與去年的作品《八方暢遊遊於藝》一樣，請老師使用了書法來寫，讓整體的封面更有文學的氣息、線條與流動感，令人感覺十分用心。
其實，劉老師已經是第三年來到台東的客家學堂，與台東的鄉親、對文學有興趣與熱忱的人們、和客語文學的新生代，一同在新書發表會見面、交流。發表會當日天氣晴朗，太陽的和煦、溫暖隨著微風拂過面頰，青天白雲與樹下細碎的光影交織，讓人有歲月靜好的感覺。因為外頭會曬到太陽，這次的發表會是辦在客家學堂的室內空間，從教室桌椅延伸到長廊，男女老幼、黃髮垂髫，長輩帶孫子、青少年呼朋引伴，皆沉浸在文學暈染開的氣氛之中，熱情參與。
今年除了許多本地鄉親，還有來自屏東的「藝夥人表演製作團」團長－曾鼎凱與其家人特別來參與，享受這一年一度在台東的客語文學盛會。在現場聽著老師分享創作理念並與其互動，不只加深觀眾對作品的好奇，也讓我們越來越期待老師明年會帶來什麼不同風貌的作品。
發表會中，我們一起讀詩、分享作品與對寫作的想法。讓人印象深刻的是，劉老師介紹新書裡的一首詩〈一撮鹽，一束光〉，他說道：「鹽，是生理的需求，光，與其相反作心靈的滿足，人們需要鹽與光，方能走出生命的路程。」劉老師的伴侶黃女士則分享了另外一種觀點：「鹽作為人的重要需求，對年長的人來說更是如此，但是光，是我們要留下、傳承給年輕人的禮物，幫助他們、與他們攜手點亮、照亮生命。」
劉明猷老師在公職人員退休後，除了在學校教客語，還堅持使用客話寫作、傳承文化記憶。他曾說：「語言若不用，就會消失。但若是化做文字寫下來，便得以傳承永久。」
劉老師體現出了客家人的「硬頸」精神，靠自身力量找尋出版社、印刷廠，尋覓地點發表作品，全心全意投入客語文學，只為了一個目的 ── 希望有更多人認識用客語書寫的書籍，傳承文化和語言的力量。觀念轉變、人生體會、家庭面貌、風俗習慣、人間百態，就通盤包含在《酒醇係文 文傍酒》這本書中，江劉老師對世界、人生的看法與體會，釀成一杯名為「生命書寫」的酒水。
春寒雨水 苗木盡愛
起濛沙煙 雨毛澀澀 早暗清冷
再回頭 看一轉矮株 龍吐珠 花開賀節
花開正當時 好運正當頭
讓我們共同期待劉明猷老師的第十本作品，走入他的文學世界，繼續朝著未來的方向，不斷往前邁進。